ཁྱེད་ཀྱི་གནས་ཡུལ་ནི། མདུན་ཤོག > རིག་རྩལ། > གངས་རིའི་སྐར་རྒྱན།

གར་སྟེགས་ཟློས་གར«ཁོ་ཡར་རེ་སྨོན»ཞེས་པ་ཟི་ལིང་དུ་འཁྲབ་སྟོན་བྱས།

སྤེལ་དུས། 2017-09-02 16:55:22  རྩོམ་ཁུངས། མཚོ་སྔོན་དྲ་ལམ་རྒྱང་སྒྲོག་བརྙན་འཕྲིན་ཁང་།  རྩོམ་པ་པོ།   ཀློག་གྲངས།

         སྤྱི་ཟླ5པའི་ཚེས3ཉིན་གྱི་ཕྱི་དྲོར། མཚོ་སྔོན་ཞིང་ཆེན་རིག་གནས་གསར་འགྱུར་པར་སྐྲུན་ཐིན་དང་མཚོ་སྔོན་ཞིང་ཆེན་སློབ་གསོ་ཐིན། མཚོ་སྔོན་ཞིང་ཆེན་དབུལ་སྐྱོར་གསར་སྤེལ་ཅུའུ། མཚོ་སྔོན་རྒྱང་སྒྲོག་བརྙན་འཕྲིན་ཁང་བཅས་ཀྱིས་མཉམ་འབྲེལ་སྒོས་གཙོ་སྒྲུབ་བྱས་ཤིང་། མཚོ་སྔོན་དྲ་ལམ་རྒྱང་སྒྲོག་བརྙན་འཕྲིན་ཁང་དང་མཚོ་སྔོན་རྒྱང་སྒྲོག་བརྙན་འཕྲིན་ཚགས་པར། མཚོ་སྔོན་ཞ་ཏུའུ་སྨྱན་བྱད་རིག་གནས་ཚད་ཡོད་ཀུང་ཟི་བཅས་ཀྱིས་འགན་སྒྲུབ་བྱས་པའི་གནད་ཕིགས་དབུལ་སྐྱོར་ལས་སློབ་གསོ་དང་སྒྱུ་རྩལ་བརྗོད་པའི་གར་སྟེགས་ཟློས་གར«ཁོ་ཡར་རེ་སྨོན»ཞེས་པ་མཚོ་སྔོན་རྒྱང་སྒྲོག་བརྙན་འཕྲིན་ཁང་གི་སྨི་སྟོང་ཅན་གྱི་འཁྲབ་སྟོན་ཚོམས་ཆེན་དུ་འཁྲབ་སྟོན་བྱས། 

         གར་སྟེགས་ཟློས་གར«ཁོ་ཡར་རེ་སྨོན»ཞེས་པ་ནི་ཁོ་ཡར་རེ་སྨོན་སྒྱུ་རྩལ་ཚོགས་པས་ཐེངས་དང་པོར་སྤེལ་བའི་གར་སྟེགས་ཟློས་གར་ཞིག་ཡིན་ལ། མཐོ་སྒང་གི་ཞིང་སྡེ་རུ་དངོས་སུ་བྱུང་བའི་གཏམ་རྒྱུད་གཞིར་བཟུང་སྟེ།  ས་གནས་རང་གི་ཁྱད་ཆོས་མངོན་གསལ་ལྡན་པའི་གླུ་གར་དང་ཤགས་འགྱེད་སོགས་ཀྱིས་ཟུར་བརྒྱན་ནས་གྲུབ་པའི་གར་སྟེགས་ཟློས་གར་ཞིག་ཡིན། 

         «ཁོ་ཡར་རེ་སྨོན»ཞེས་པའི་གླུ་བྲོའི་ཟློས་གར་འདི་འཁྲབ་ཚན་བཞི་རུ་བགར་ཡོད་ལ། ནང་དོན་ནི་འབྲུག་མོ་སྒྲོལ་མ་ཟེར་བའི་བུ་མོ་ཆུང་ཆུང་དེ་ཕྱུགས་རྫིར་སོང་ནས་གཉིད་དུ་ཡུར་བའི་ཚེ། རྨི་ལམ་དུ་ལྷ་ལ་ཁ་བརྡ་བྱེད་པ་རྨིས་ཤིང་། དེ་ནས་རི་བོའི་ཕར་རྒྱབ་ཀྱི་འཇིག་རྟེན་ལ་རེ་སྨོན་བྱས་ལ། ཁྱིམ་མི་དང་རྒན་པ་སོགས་ལ་ཕྱི་རོལ་གྱི་འཇིག་རྟེན་འདྲི་རྩད་བྱས་ཀྱང་མ་ཤེས། སྐབས་དེར་ནང་ལོགས་ནས་རོགས་སྒྲུབ་ཏུ་ཕེབས་པའི་དགེ་རྒན་གྱི་འོད་སྣང་འོག་ཕྱི་རོལ་གྱི་འཇིག་རྟེན་གོ་ཐོས་བྱུང་བར་མ་ཟད། བསླབ་འབྲས་བཟང་པོ་ཐོབ་པ་བརྒྱུད་ཁོ་མོ་དང་རང་གི་སློབ་གྲོགས་ཚོ་རྒྱལ་ས་པེ་ཅིན་དུ་འགྲོ་ཐུབ་པའི་གོ་སྐབས་བྱུང་། ཁོང་ཅག་གིས་ཕྱི་རོལ་གྱི་འཇིག་རྟེན་མངོན་པར་མཐོང་རྗེས་སེམས་ལ་ཕུགས་མདུན་དང་རེ་བས་བརྟས་ཏེ་ཕྱིར་ཕ་ཡུལ་དུ་ལོག་ཅིང་། དེ་ནས་སྔར་བཞིན་འབྲུག་མོ་སྒྲོལ་མ་ལྟ་བུའི་བྱིས་པ་སློབ་གྲྭར་འགྲོ་མི་ཐུབ་པའི་སློབ་མ་རྣམས་ལ་སློབ་གྲྭར་འགྲོ་དགོས་པ་དང་། རང་ཉིད་ཀྱི་དཀའ་སྤྱད་འབད་བརྩོན་གྱིས་སློབ་སྦྱོང་བཟང་པོ་བྱས་ཚེ་ཁོང་ཚོ་བཞིན་རི་བོའི་ཕ་རོལ་དུ་འགྲོ་ཐུབ་ལ། རི་བོའི་ཕ་རོལ་གྱི་འཇིག་རྟེན་མིག་གིས་མཐོང་ཐུབ་པའི་གནས་ཚུལ་བརྗོད་དེ། ཁོང་ཅག་ལ་སྐུལ་ལྕག་དང་ལམ་སྟོན་བྱས་པས་ཁོང་ཚོའང་ཕུགས་བསམ་མངོན་དུ་གྱུར་བ་བརྗོད་དོན་བྱས་ཡོད།
 
        མཚོ་སྔོན་ཞིང་ཆེན་མཚོ་ཤར་གྲོང་ཁྱེར་དཔའ་ལུང་ཧེ་རིགས་རང་སྐྱོང་རྫོང་ཁོ་ཡར་སྡེ་བ་ནི་རོང་མ་འབྲོག་གི་ས་ཁུལ་དུ་གཏོགས་ཤིང་། རྨོ་འདེབས་བྱས་ཆོག་པའི་ཞིང་ས་ཉུང་བས།  སློབ་མའི་ཁྱིམ་བདག་མང་པོ་ཞིག་གིས་སྒོ་ཕྱུགས་འཚོ་སྐྱོང་ལ་བརྟེན་ནས་ཁ་གསོ་བཞིན་ཡོད་པ་རེད། ལོ་འདི་དག་གི་རིང་ལ། ཉམ་ཆུང་སློབ་མ་དག་གིས་གྲུབ་པའི་སྒྱུ་རྩལ་ཚོགས་པ་འདིས་དཀའ་སྤྱད་འབད་བརྩོན་བྱས་པར་བརྟེན། སྤྱི་ཚོགས་ཀྱི་རིགས་སོ་སོའི་ལྷག་བསམ་ཅན་དག་གིས་བྱམས་བརྩེའི་ཕྱག་ཟུང་གི་འོག་ཏུ་མུ་མཐུད་ནས་མདུན་སྐྱོད་དང་འཚར་ལོངས་འབྱུང་བཞིན་ཡོད།
 
        སྒྱུ་རྩལ་ཚོགས་པ་འདི་སྡེ་མི་གཙོ་བྱས་རོགས་སྒྲུབ་དགེ་རྒན་དང་། རོགས་སྐྱོར་ལ་ཕེབས་པའི་མི་སྤྱིར་བཏང་བ་དག་གི་རྩ་འཛུགས་བྱས་ཏེ་བཙུགས་པ་ཡིན་པས། རྒྱུ་དངོས་ཐམས་ཅད་སྤྱི་ཚོགས་སྟེང་གི་ལྷག་བསམ་ཅན་དག་གི་རོགས་སྐྱོར་ལས་བྱུང་བ་ཡིན་སྟབས། རྨང་གཞིའི་སྒྲིག་ཆས་དང་འཚོ་བའི་མཐུན་རྐྱེན་ཧ་ཅང་ཐབས་སྡུག་པོ་ཡིན་ནའང་དགེ་རྒན་དག་གི་སྙིང་རུས་དང་སློབ་མ་རྣམས་ཀྱི་དཀའ་སྤྱད་འོག་ཁོ་ཡར་གྱི་རེ་སྨོན་ཞེས་པའི་གླུ་བྲོའི་ཟློས་གར་ལེགས་པར་སྦྱངས་ནས། སྔ་རྗེས་སུ་ཟི་ལིང་དང་ཧྲིན་ཀྲིན། ཞི་ཨན། པེ་ཅིན་བཅས་སུ་ཕྱིན་ནས་འཁྲབ་སྟོན་བྱས་པས། ལྟ་མཁན་རྣམས་ཀྱི་དགའ་བསུ་ཚད་མེད་ཐོབ་པར་བརྟེན། ད་ལོར་ཡང་ཞང་ཀང་རིག་རྩལ་མཉམ་འབྲེལ་ལས་ཁུངས་ཀྱིས་གདན་ཞུ་གནང་སྟེ་ཉིན་ལྔ་ཙམ་ལ་ཞང་ཀང་དང་ཨོ་མིན་ནས་འཁྲབ་སྟོན་བྱས་པས་ལྟ་མཁན་རྣམས་ཀྱིས་དགའ་བསུ་ཚད་མེད་ཐོབ།
IMG_6404.jpg
སེམས་འདུན་བརྗོད་བཞིན་པ།
IMG_6412.jpg
ལྟད་མོ་བ་རྣམས་ལ་འཁྲབ་སྟོན་བྱེད་བཞིན་པའི་ཚུལ།
IMG_6434.jpg
ངག་གི་འགྱུར་ཁུགས། གར་གྱི་སྟངས་སྟབས།
IMG_6447.jpg
འཁྲབ་སྟོན་བྱེད་བཞིན་པའི་ཚུལ།
IMG_6467.jpg
དྲི་མེད་ཁ་བཏགས་དགུང་ལ་བཏེགས་ཏེ་འཁྲབ་སྟོན་བྱེད་བཞིན་པའི་རྣམ་པ།
IMG_6479.jpg
འཁྲབ་སྟོན་བྱེད་བཞིན་པའི་རྣམ་པ།
IMG_6481.jpg
འཁྲབ་སྟོན་བྱེད་བཞིན་པའི་ཚུལ།
IMG_6482.jpg
ཡིད་སེམས་འགུགས་པའི་འཁྲབ་སྟོན།
IMG_6489.jpg
སློབ་གྲྭར་འགྲོ་བའི་ཚུལ་འཁྲབ་སྟོན་བྱེད་བཞིན་པ།
IMG_6501.jpg
གླུ་སྙན་མོ་དབྱངས་ལ་འགུགས་བཞིན་པ།
IMG_6511.jpg
གླུ་དབྱངས་ལེན་བཞིན་པའི་རྣམ་པ།
IMG_6519.jpg
སློབ་གྲྭའི་འཚོ་བ་འཁྲབ་སྟོན་བྱེད་བཞིན་པ།
IMG_6524.jpg
འཁྲབ་སྟོན་བྱེད་བཞིན་པ།
IMG_6526.jpg
སློབ་གྲྭའི་འཚོ་བ་འཁྲབ་སྟོན་བྱེད་བཞིན་པ།
IMG_6541.jpg
མཉམ་གཅིག་ཏུ་ཞབས་བྲོ་འཁྲབ་བཞིན་པ།
IMG_6558.jpg
འཁྲབ་སྟོན་བྱེད་བཞིན་པའི་རྣམ་པ།
IMG_6560.jpg
རྒྱལ་གླུ་ལེན་བཞིན་པའི་རྣམ་པ།
IMG_6579.jpg
འཁྲབ་སྟོན་བྱེད་བཞིན་པའི་རྣམ་པ།
IMG_6582.jpg
ལྟད་མོ་བའི་ཚོགས།
IMG_6584.jpg
འཁྲབ་སྟོན་མཇུག་རྫོགས་པ།
IMG_6589.jpg
མཚོ་སྔོན་རྒྱང་སྒྲོག་བརྙན་འཕྲིན་ཁང་གི་འགོ་ཁྲིད་རྣམས་དང་ལྷན་དུ་བསྐྱོན་པའི་མཉམ་པར།
རྩོམ་སྒྲིག་པ། ཆབ་འགག་ཇོ་རུ།

ཉེ་བའི་གསར་བསྒྱུར།