ཁྱེད་ཀྱི་གནས་ཡུལ་ནི། མདུན་ཤོག > ལོ་རྒྱུས། > ལོ་རྒྱུས་ཤེས་བྱ།

སྐུ་འབུམ་ཚོ་དྲུག་གི་ཡུལ་ཕྱོགས་སུ་བསྐྱོད་པའི་མཐོང་ཐོས་དྲན་རེག

སྤེལ་དུས། 2013-09-30 17:15:41  རྩོམ་ཁུངས། མཚོ་སྔོན་བོད་རིགས་དྲ་བ།  རྩོམ་པ་པོ། རྡོ་སྦིས་བཤད་སྒྲུབ།  ཀློག་གྲངས།

 


རྗེ་རྒྱལ་པ་གཉིས་པའི་ཨ་ཅེ་ཚང་གི་བཞུགས་ཡུལ།

         སྐུ་འབུམ་བྱམས་པ་གླིང་ནས་ལྷོ་ནུབ་ཏུ་ཆུ་དཀར་ཐང(帐房台)་དང་ཆུ་དཀར་རི་ཁྲོད(静房)་ཡོད་པ་དང་། སྐུ་འབུམ་ནས་བྱང་ཕྱོགས་སུ་ཟི་ན་ཐང་དང་མདོ་བ(多巴)། ལྷོ་བྱང་དུ་ལ་འབུར་ཚོ་ཤོག(拉布尔)་དང་ཀླུ་འབུམ(楞本)། ཨ་དཀར་དང་བུམ་པ(文巴)། ཞལ་དཀར་ཚོ་ཤོག་བཅས་ཡོད།

        སྐུ་འབུམ་བྱམས་པ་གླིང་ནས་ལྷོ་ནུབ་མཚམས་སུ་ལེ་བར་བཅུ་ལྷག་བསྐྱོད་པ་ན་སྐུ་འབུམ་ཆོ་ཤིས་(维新)སྡེ་བའི་ནེའུ་ལུང་ཉག་ཁའི་རྗེ་ཁོང་གི་སྐྱེས་ལྷ་ཨ་མྱེས་སྐྱ་ཏེའུ་ཏོག་དཀར་དང་གུར་ སྟེང་ལྷ་རིའི་ལབ་རྩེར་ཞལ་མཇལ་བྱས་ཐུབ་པ་མ་ཟད། ཆོ་ཤིས་སྡེ་བའི་མ་ཀྱ་སྒར་བའི་ལྷ་ཁང་ལའང་མཇལ་ཐུབ། ལྷ་ཁང་གི་ཆོས་རའི་ནང་དུ་ལོ་རེར་སྐུ་འབུམ་དགོན་པའི་གྲྭ་བ་དྲུག་བདུན་རེ་གདན་ དྲངས་ཏེ་ཉིན་གསུམ་གྱི་རིང་ལ་མ་ཎི་བུམ་གྲུབ་བཙུགས་པ་ཡིན་ཟེར། ཆོ་ཤིས་སྡེ་བ་ནས་ལྷོ་ནུབ་ཕྱོགས་ཀྱི་ལེ་བར་བཞི་ལྔ་ཙམ་ན་རྒྱ་མ་བོད་ཀྱི་སྡེ་བ་ མཚེར་ཐོག(赛多)་དང་རློན་པ་འབོད་པའི་ རོང་སྡེ་གཉིས་ཡོད། དེ་ནས་ལེ་བར་བརྒྱད་ལྷག་གི་མཚམས་ན་སོ་བ་སྐྱིད་འབོད་པའི་སྡེ་བ་ཞིག་ཡོད། སོ་བ་སྐྱིད་ནི་རྗེ་རིན་པོ་ཆེའི་ཨ་ཅེ་བཞུགས་ཤག་གི་སྡེ་བ་ཡིན། སྡེ་འདིའི་གོང་རོལ་གྱི་ས་ལེ་བར་གསུམ་གྱི་ལམ་ན་བཀའ་བརྒྱུད་དགོན་ཟེར་བའི་ཞྭ་ སེར་གྱི་དགོན་རྙིང་ཡ་མཚར་པོ་ཞིག་ཡོད། དེ་ནས་ལེ་བར་དྲུག་ལྷག་ལ་སོང་བ་ན་མཛོ་མོ་ལུང་༼སྐྱོར་མོ་ལུང་།苏木什༽ཁོག་ནང་དུ་ བོད་སྐད་མི་ཤོད་པའི་བོད་རིགས་རྐྱང་རྐྱང་གི་ངོ་ཤེས(盘道)་ཟེར་བའི་སྡེ་བར་རྡོ་ཆེན་དང་ཆུ་ཁ་འབོད་པའི་སྡེ་བ་གོང་ཞོལ(汉称南村北村)་ གཉིས་ཡོད། སྡེ་འདིར་སྐུ་འབུམ་དགོན་པའི་བླ་སྤྲུལ་གསུམ་འཁྲུངས་མྱོང་། རྒྱ་ཡག་ཚང་དང་བཀྲ་ཤིས་ཚང་། སྨོན་ཤིས་ཚང་། དེ་ནས་ས་ལེ་བར་བཅུ་ལྷག་གི་བར་ན་དྲེད་ཁོག་འབོད་པའི་རོང་མ་འབྲོག་གི་སྡེ་བ་ གཉིས་ཏེ། དྲེད་ཁོག་ཆེ་ཆུང(东岔西岔)་གི་ལུང་ཁོག་ན་ཆགས། དྲེད་ཆུའི་སུམ་མདོ་ཐང་ན་སྐུ་འབུམ་ཨ་ཀྱ་ཚང་གི་བཞུགས་ཁྲི་དང་ཐོ་བཀྭན་ཆོས་ཀྱི་ ཉི་མའི་བཞུགས་ཁྲི་དང་དར་ལྕོག་བཅས་བཙུགས་ཡོད།





རྗེ་ཙོང་ཁ་པའི་ཨ་ཅེ་ཚང་གི་ཁྱིམ་གཞི།


སོ་བ་སྐྱིད་སྡེ་བའི་བཀའ་བརྒྱུད་དགོན་རྙིང་།


རྗེ་རིན་པོ་ཆེའི་སྐྱེས་ལྷའི་ལབ་ཙེ་སྐྱ་ཏིའུ་ཏོག་དཀར།

20131009.JPG
སྐུ་འབུམ་རྒྱ་ཡག་ཚང་གི་འཁྲུངས་ཡུལ་ཨ་ལགས་བཀྲ་ཤིས་ཚང་གིས་བཞེངས་པའི་མཆོད་རྟེན།

f6784b7be8b433898b4bef9f2cdee998.jpg
བོད་ཀྱི་ས་མིང་ཞིབ་འཇུག་ཏུ་བསྐྱོད་པ།

 

ཉེ་བའི་གསར་བསྒྱུར།