ཁྱེད་ཀྱི་གནས་ཡུལ་ནི། མདུན་ཤོག > འཕྲིན་གསར། > སྤྱི་དོན་གསར་འགྱུར།

《མཚོ་སྔོན་སྤྱི་ཚོགས་ཚན་རིག》(བོད་ཡིག)གསར་སྤེལ་བྱེད་པའི་མཛད་སྒོ་དང“བོད་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ཞབས་ཞུའི་གླེང་སྟེགས”ཟི་ལིང་དུ་བསྡུས།

སྤེལ་དུས། 2018-01-18 14:19:32  རྩོམ་ཁུངས། ཀྲུང་གོ་བོད་ཀྱི་དྲ་བ།  རྩོམ་པ་པོ། མཁའ་འགྲོ་ཚེ་བརྟན། ལྷ་སྒྲོན་མཚ  ཀློག་གྲངས།

AF4A0142.jpg

ཀྲུང་གོ་བོད་ཀྱི་དྲ་བའི་འཕྲིན།  2018ལོའི་ཟླ1པོའི་ཚེས17ཉིན《མཚོ་སྔོན་སྤྱི་ཚོགས་ཚན་རིག》(བོད་ཡིག)གསར་སྤེལ་བྱེད་པའི་མཛད་སྒོ་དངབོད་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ཞབས་ཞུའི་གླེང་སྟེགསམཚོ་སྔོན་ཞིང་ཆེན་ཟི་ལིང་གྲོང་ཁྱེར་གྱི་རྣམ་རྒྱལ་མགྲོན་ཁང་དུ་བསྡུས།

AF4A0143.jpg

མཚོ་སྔོན་ཞིང་ཆེན་སྤྱི་ཚོགས་ཚན་རིག་གླིང་གི་གླིང་གཙོ་གཞོན་པ་མཱ་ཆི་ཞུང་གིས་མཛད་སྒོར་མགོ་འཛིན་བྱས། མཚོ་སྔོན་ཞིང་ཆེན་ཏང་ཨུའི་དྲིལ་སྒྲོག་པུའུ་ཡི་ལས་དོན་ཚོགས་པའི་ཁོངས་མིའམ་ཞིང་ཆེན་དཔལ་ཡོན་གཞུང་སྒྲུབ་ཁང་གི་ཆེད་ལས་ཀྲུའུ་རེན་གཞོན་པ་ཀྲུའུ་ཧི་ཡིས་ཞིང་ཆེན་ཏང་ཨུའི་རྒྱུན་ལས་སམ་དྲིལ་སྒྲོག་པུའུ་ཡི་པུའུ་ཀྲང་ཀྲང་ཞི་མེན་གྱིས《མཚོ་སྔོན་སྤྱི་ཚོགས་ཚན་རིག》(བོད་ཡིག)གསར་སྤེལ་བྱེད་པའི་མཛད་སྒོར་ཕུལ་པའི་ཤིས་ཚིག་སྒྲོག་འདོན་བྱས་པ་མ་ཟད། 《མཚོ་སྔོན་སྤྱི་ཚོགས་ཚན་རིག》(བོད་ཡིག)གསར་སྤེལ་བྱེད་པའི་རྒྱལ་ལྗོངས་དང་བསྒྲུབ་པའི་དམིགས་ཡུལ། བསམ་ཕྱོགས་བཅས་ཀྱི་ཐད་ལ་གནད་བསྡུས་སྒོས་ངོ་སྤྲོད་བྱས་ཤིང་། དུས་དེབ་འདི་གསར་སྤེལ་བྱས་པ་རྒྱུད་བོད་ཁུལ་གྱི་དཔལ་འབྱོར་སྤྱི་ཚོགས་གོང་སྤེལ་དང་རིག་གཞུང་ཞིབ་འཇུག་ཐད་ནུས་པ་གང་ལེགས་འདོན་རྒྱུ་དང་ཧུར་ཐག་སྒོས་རིག་གཞུང་ཞིབ་འཇུག་དང་ཆབ་སྲིད་བློ་འདྲི་ཞབས་ཞུའི་ནུས་པ་འདོན་པའི་མཐོ་རིམ་རིག་མཛོད་ཀྱི་གར་སྟེགས་ཤིག་བསྐྲུན་དགོས་པའི་རེ་བ་བཏོན།

AF4A0157.jpg

རྒྱུས་ལོན་བྱུང་བ་ལྟར་ན། 《མཚོ་སྔོན་སྤྱི་ཚོགས་ཚན་རིག》(བོད་ཡིག)དེ་རྒྱལ་ཡོངས་ནས་གྲངས་ཚད་ཅུང་ཉུང་བའི་བོད་ཡིག་གི་སྤྱི་ཚོགས་ཚན་རིག་སྐོར་གྱི་ཕྱོགས་བསྡུས་རང་བཞིན་གྱི་རིག་གཞུང་དུས་དེབ་ཅིག་ཡིན་པའི་ཆ་ནས། གཙོ་བོ་བོད་ཡིག་གི་ལམ་ནས་གསར་རྩོམ་བྱས་ཤིང་ཞིབ་འཇུག་རང་བཞིན་གྱི་ཆུ་ཚད་ཅུང་མཐོ་བའི་དཔྱད་རྩོམ་དང་བརྟག་དཔྱད་སྙན་ཞུ། རིག་གཞུང་གྲུབ་འབྲས་བཅས་འགོད་རྒྱུ་ཡིན་ལ། ལེ་ཚན་གཙོ་བོར་ཆབ་སྲིད་རིག་པ་དང་དཔལ་འབྱོར་རིག་པ། སྐྱེ་ཁམས་རིག་པ། མི་རིགས་རིག་པ། ཆོས་ལུགས་རིག་པ། ཁྲིམས་ལུགས་རིག་པ། ལོ་རྒྱུས་རིག་པ། མིའི་རིགས་རིག་པ། དམངས་སྲོལ་རིག་པ། སློབ་གསོ་རིག་པ། སྐད་བརྡ་རིག་པ། བོད་སྨན་སྨན་རྫས་རིག་པ། རྩོམ་རིག་སྒྱུ་རྩལ་སོགས་ཁྱད་ལྡན་གྱི་ལེ་ཚན་མང་པོ་བཀོད་སྒྲིག་བྱས་ཡོད་པ་རེད།

AF4A0173.jpg

ཚོགས་ཐོག་ཏུ《རྩེར་སྙེགས》རྩོམ་སྒྲིག་ཁང་དང《སྤྲང་ཆར》རྩོམ་སྒྲིག་ཁང་། 《མཚོ་སྔོན་མི་རིགས་སློབ་ཆེན་གྱི་རིག་དེབ》རྩོམ་སྒྲིག་ཁང་། 《མཚོ་སྔོན་སློབ་ཆེན་གྱི་རིག་དེབ》རྩོམ་སྒྲིག་ཁང་བཅས་ཀྱི་རྩོམ་སྒྲིག་པས་དུས་དེབ་སྒྲུབ་པའི་ཉམས་མྱོང་དང་དངོས་ཡོད་གནས་ཚུལ་སོགས་ཀྱི་ཐད་ལ་བསམ་ཚུལ་ལྷུག་བརྗོད་བྱས་པ་མ་ཟད། ཚོགས་ཞུགས་ཆེད་ལས་མཁས་པ་དང་མཁས་དབང་རྣམས་ཀྱིས་བོད་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་ཅི་ལྟར་ཞབས་ཞུ་བསྒྲུབ་དགོས་པའི་ཐད་ནས་བགྲོ་གླེང་བྱས།

དུས་དེབ་འདི་ནི་རྒྱལ་ཁབ་གསར་འགྱུར་རྒྱང་སྒྲོག་བརྙན་འཕྲིན་དཔེ་སྐྲུན་སྤྱི་ཁྱབ་ཅུའུ་ཡིས་ཆོག་མཆན་བཀོད་པ་དང་། མཚོ་སྔོན་ཞིང་ཆེན་སྤྱི་ཚོགས་ཚན་རིག་གླིང་གིས་གཙོ་སྒྲུབ་བྱ་རྒྱུ་རེད།

རྩོམ་སྒྲིག་པ། ཆབ་འགག་ཇོ་རུ།


ཉེ་བའི་གསར་བསྒྱུར།